help me please

السلام عليكم ما نطولش عليكم انا مخطوبة و نحب خطيبي بزاف و مين بقى شهر للعرس كثرو المشاكل المهم القصة كيفاش بدات انا دخلت للمستشفى مريضة و ما عيطلوش و ما قتلهش و مين كان يعيط ما كنتش نجاوبه الله غالب ما كنتش نقدر نحكي معاه قدام المريضة لي كانت معايا في الغرفة المهم مين خرجت كلمته و بدينا ندابزو علاش وكيفاش وووووووووووووووووووووووووو راكو تعرفو كيفاش انا بالزعاف قتلو انا ندمت لي خيرتك ما بين كل الرجال لي جاوني و انا حمارة(حاشاكم) لي ديما نخمم فيك و نطلع لك حساب و هو قالي بارك الله و فيك و ادا جيتي مرا و نص ما تزيديش تعيطي ولا تخمي فيا المهم يا خاوتي راني عارفة انا الغالطة بصح ما قدرتش نعيطلو و خاصة مين قالي ادا جيتي مرا ما تعيطيش الله يخليكم الله يخليكم ساعدوني واسمحولي طولت عليكم بزاف

سلام يا اختي الصراحة اديها نصيحة مني اخطيك منه لانه لوكان جا صح يحبك ما يدرلكش هكا لانه ما قدرش ظرفك و تسرع في رده و قالك ما تزيديش تعيطيلي باين عليه مش انتي الاولى اللي دارلها هكا تخيلي لوكان تكملي معاه هكا و تزوجتوا مثلا و خرجتي بلا ما قلتتيله كان راح يصرا اكثر من هكا و هاداك الوقت يكون راح الحال باه تاخدي قرار صارم لانه الواحد ادا يحب وحدة يضحي علاجالها و كي تكون في ظرف كيما هكا يقدر ظرفها انا هذه هي نصيحتي لك اختي
وان شاء الله ربي يهنيك و يوفقك مع واحد آخر اذا خليتي هذا

تحياتي لك

و الزواج قسمة و نصيب
مرت حد ما يديها حد
ههه

سمحيلي اختي نقولك انت الغالطا وانت الي جرحتيه قبل ما يجرحك وديري في بالك بلي الرجال ماشي كيما حنا البنات مين تجرحيه ميسامحش وانت مادام غلطتي وقلتيلو كلام لا يليق فتحملي نتيجة خطاك ونصيحتي لك هي باش تشوفي شكون الي يكون قريب ليك وليه في نفس الوقت وخليه يهدر معاه بالعقل ةيفهمه بلي ماكنتيش في وضع مليح
وان شاء الله تتحل مشكلتك وتجي تفرحينا بزواجك ان شاء الله
سمحيلي اختي ادا جرحتك بكلامي

اختي انتي اللي راكي غالطة مش كي يقولك انتي ماشي مرأة تصيبيها سبة وما تزيديش تهدري معاه .. بصح حاولي واطلبي السماح منو لان اللي يطلب السماح ما هوش ذليل او ضعيف شخصية اوك حنونة صارحيه واعتذري منو هو مالزعاف برك اللي قال هكداك